Нұр-Сұлтанға шет елдерден ұшып келген, ПТР-анықтамасы жоқ 104 адам стационарлық карантинге жатқызылды, деп хабарлайды Kaznovosti.kz
«Бүгін түнде Нұр-Сұлтан қаласының әуежайына 4 ұшақ (халықаралық рейстер) келіп қонды. Рейстерді Turkish Airlines, Air Astana мен Flydubai компаниялары орындады. Барлығы 514 адам ұшып келді», – деп хабарлайды Нұрсұлтан Назарбаев халықаралық әуежайынан .
514 жолаушының 104-де ПТР-анықтама болмаған. Сондықтан олар стационарлық карантинге жатқызылған.
«ПТР тесті тапсырғаннан кейін олар үйлеріне қайтарылады. Коронавирус жұқтырғандары белгілі болса инфекциялық стационарға жатқызылады. Сондай-ақ бір адам депортацияланды», – делінген хабарламада.