ҚР ПІБ МО Санитариялық-эпидемиологиялық сараптама орталығы 2024 жылды жоғары көрсеткіштермен аяқтады: 1 453 028 зерттеу жүргізілді. Жоғары технологиялық жабдықтары бар жаңа ғимаратқа көшу, алты зертхана ашуға мүмкіндік беріп, олардың жалпы санын сегізге дейін ұлғайтты.
Олардың ішінде диоксиндер мен полихлорбифенилдерді талдауға арналған Қазақстандағы бірінші зертхана бар. Ол экологиялық жағдайды бағалауға және халықтың денсаулығына қауіп төндіретін мүмкіндіктерді анықтауға көмектеседі. Бұл зерттеулер елдің экожүйесіндегі улы әсерлерден алдын алу үшін ерекше маңызды.
2024 жылы Орталық Қазақстандағы халықаралық деңгейдегі қауіпсіздік бойынша мойындалған биологиялық алғашқы анықтамалық зертхана болды. Бұл мәртебе халықтың санитариялық-эпидемиологиялық салауаттылығын қамтамасыз етуде шешуші рөл атқарады, сондай-ақ өнімнің қауіпсіздігін халықаралық растау мүмкіндігін бере отырып, қазақстандық бизнестің дамуына ықпал етеді. Орталықтың зерттеу нәтижелерін қазір ILAC (Халықаралық зертханаларды аккредиттеу қауымдастығы) жүйесіне кіретін 112 елде мойындалды.
Тағы бір жетістік – Халықаралық оқу орталығы мен «KazToxBase» токсикологиялық ақпарат орталығының ашылуы. Еуропалық комиссияның қолдауымен бұл денсаулық сақтау қызметкерлері, токсикологтар, экологтар және бизнес өкілдері арасында тәжірибе алмасу үшін диалог алаңына айналды. Орталық химиялық улануды диагностикалау мен емдеуді жақсартуға, сондай-ақ озық әлемдік тәжірибені енгізуге мүмкіндік беретін TOXBASE халықаралық деректер базасына қолжетімділікті қамтамасыз етеді.
Клиенттерге ыңғайлы болу үшін «Бір терезе» жүйесі енгізілді, соның арқасында сынама алу үшін 1339 сапар ұйымдастырылды. Сонымен қатар, мамандардың біліктілігін арттыруға және озық технологияларды енгізуге көмектесетін халықаралық тәжірибеге негізделген 26 оқу бағдарламасы әзірленді.
Орталық 2025 жылға қарай 40-тан астам жаңа зерттеу әдістерін, оның ішінде хроматографиялық масс-спектрометрия көмегімен күрделі ластаушы заттарды талдауды енгізуді жоспарлап отыр. Орталықтың қызметтерін күшейтудің арқасында өңірлерде санитариялық қауіпсіздік қолжетімді болады. Білім беру бағдарламалары мен ғылыми семинарлар арқылы халықаралық ынтымақтастық тереңдетіледі. Орталықтың негізгі мақсаты өзгеріссіз қалады – халықтың денсаулығын сақтау, санитариялық қауіпсіздікті қамтамасыз ету және Қазақстанда өмір сүру сапасын жақсарту.
