Шетелден келген көліктерді заңсыз тіркеу схемасын ұйымдастырушылар жарты млрд теңгеге жуық шығын келтірген

«Азаматтарға арналған үкіметтің» Көкшетау қалалық ХҚКО-ның бұрынғы маманымен алдын ала сөз байласып, екі азаматтың жалған төлем құжаттарын қолданып, алымдарды төлемей шетелден келген көліктерді жаппай бастапқы тіркеуді ұйымдастырған. Бұл туралы ҚР ҚМА баспасөз қызметі хабарлайды.

Бұл істі ҚМА Ақмола облысы бойынша департаменті тергеді.

Жалған төлем-есеп айырысу құжаттары арқылы 68 көліктің заңсыз тіркелгені анықталды.

Бастапқы тіркеу үшін алым төлемеу түріндегі мемлекетке келтірілген шығын шамамен 449 млн теңгені құрады.

ҚР ҚПК 201-бабына сәйкес өзге де ақпарат таратуға жатпайды.