Франция алғашқы турда Германия құрамасымен кездеседі.
Франция ұлттық құрамасында ПСЖ шабуылшысы Килиан Мбаппе мен «Челси» шабуылшысы Оливье Жиру арасында түсініспеушілік орын алды және әлі күнге дейін шешімін таппады, деп хабарлайды RMC Sport.
Француз шабуылшысы Оливье Жиру матчтан кейінгі сұхбатында Болгарияға қарсы ойында өздерін команда ретінде жеткілікті дәрежеде көрсете алмағанын айтты. Джиро егер олар байқампаз болып, пасты алуға дайын тұрған ойыншыларды байқаған болса болгарлардың қақпасына көбірек гол соғуы мүмкін екенін атап өтті. Ал мұны естіген Мбаппе бұл пікірді өзіне қатысты деп қабылдап, жаттығуда нашар көңіл-күймен жүріп, командаластарымен аз сөйлескен.
Ал Жиру өз кезегінде ПСЖ футболшысымен сөйлесіп, жағдайды дұрыстап түсіндірген. Ол оған журналистің сұрақтарына байланысты идеяның бұрмаланғанын айтты. Алайда Мбаппе өзінің наразылығын бүкіл команда алдында көрсетуін жалғастыруда.
Франция бапкері Дидье Дешам екі ойыншымен, содан кейін бүкіл командамен сөйлесті. Ол оларға қателіктің болғанына қарамастан, әрі қарай жылжу керектігін айтқан. Алайда, бұл мәселе әлі күнге дейін оң шешімін таппады. Мбаппенің көңіл-күйіне жаттығу кезінде Жирудың жиі пас беріп, жаттығудан кейін оны тіпті құшақтап алуы да әсер етпеді.
