Тhe Conversation мәліметінше, аяғы ауыр әйел Мальме ауруханасына іші ауырсына бастағаннан кейін жеткізілген. Баланың жүрек соғысы жылдам болып, оттегі жетіспеген. Әйел кесарь тілігі арқылы босанып, коронавирусқа талдау жасалды. Баладан да, анасынан да коронавирус анықталған.
Мамандардың анықтауы бойынша, бала коронавирусты анасының ішінде жатып жұқтырған. Алғашқы талдау анасында да, баласында да вирус бірдей екенін көрсеткен, алайда бірнеше күннен кейін дәрігерлер сәбиде анықталған инфекция популяциясы өзгергенін байқаған. Балада коронавирустың жаңа штамы анықталған.
Ғалым, акушер-гинеколог Мехрен Зайгамның айтуынша, жаңа штамм бала туғаннан кейін бес күннен соң пайда болған. Зайгам вирус бала қоршаған ортамен байланысқа түскеннен кейін өзгеріске ұшырауы мүмкін екенін айтады.
Баланың анасы вирусты оңай жеңген, ол төрт күннен кейін ауруханадан шығарылған. Алайда бала мерзімінен бұрын туғандықтан оған неонатал көмек қажет болған.
