2020 жылдың 20 қазаны Нұр-Сұлтан қаласы әкімдігінің Мемлекеттік академиялық филармониясы Классикалық және эстрадалық вокал бөлімінің «Ұмытылмас әндер» атты маусымашар онлайн концерті өтті, деп хабарлайды Kaznovosti.kz
Концерттің мақсаты әрқайсысы бір төбе болатын, арттарынан өшпес із қалдырған осындай ұлы тұлғаларымыздың шығармаларын насихаттап, кейінгі ұрпаққа жеткізу болғаны сөзсіз. Өз замандарының дүлдүлдеріне айналған, кейінгі ұрпақтың жүрегінен әсем әуезді әндерімен орын алған, біртуар тұлғалар: Шәмші Қалдаяқов, Нұрғиса Тілендиев, Әбілахат Еспаев, Еркеғали Рахмадиев, Кеңес Дүйсекеев, Ескендір Хасанғалиев сынды композиторлардың туындылары жанды дауыста шырқалып, төбемізде ән қалықтады.
Жанды дауыста шырқалатын онлайн концертте ұлт өнерінің тарихи саңлақтарының ұмытылмас әндерін тыңдалып, көрермендер әсем әнмен сусындады!
