БастыЭкономика

Павлодар облысында ферроқорытпа зауытының құрылысы жоспарлануда

ҚР Индустрия және инфрақұрылымдық даму министрі Бейбіт Атамқұлов Үндістанның «Monnet» компаниялар тобының негізін қалаушы және Басқарма төрағасы Сандип Джаджодиямен (Sandeep Jajodia) кездесті, деп хабарлайды Kaznovosti.kz министрліктің баспасөз қызметіне сілтеме жасап.

Үндістан компаниясы Павлодар облысында ферросилиция шығаратын металлургиялық зауыт салуды жоспарлап отыр. Зауыттың өндірістік қуаты алғашында жылына 15 мың тонна болса, кейін 50 мың тоннаға дейін арттыру көзделген. Инвестицияның алдын ала көлемі басында 50 млн. долларды құраса, екінші кезеңде 200 млн. долларға дейін жеткізіледі. Зауыттың негізгі өнімі экспортқа шығарылмақ. Аталған компанияның инвестициялық операторы – ҚР Сыртқы істер министрлігінің «Қазақинвест» АҚ.

Сондай-ақ, Павлодар облысының Екібастұз индустриялық аймағы аумағында өнеркәсіпті энергетикалық қолдау мәселелері, сонымен қатар шикізатты жеткізушілердің мүмкіндіктері талқыланды.

Басқа жаңалықтар

Back to top button