Шымкент қаласының Полиция департаментінің бастығы полиция-генерал майоры Ералы Жұмаханбетов карантин талаптарының сақталуы және құқық бұзу фактілерінің алдын алу бойынша БАҚ өкілдерімен баспасөз-брифингін өткізді, деп хабарлайды Kaznovosti.kz
Карантин режимі енгізілгеннен бері Шымкент қаласында 522 құқық бұзушылық дерегі тіркелген. Оның ішінде мобильді топ өкілдері күнделікті рейд жүргізу барысында – 400 ге жуық жайтты анықтаған.
Олардың құрамында Полиция департаментінің қызметкерлері мен Абай, Еңбекші, Әл-Фараби, Қаратау ауданының жергілікті әкімдік өкілдері, Тауарлар мен көрсетілетін қызметтердің сапасы мен қауіпсіздігін бақылау департаменті және бар.
Жалпы полицейлер халыққа бетперде тақпағаны үшін айыппұл салу кезінде үш рет ескерту жасап барып, хаттама толтырған. Бүгінде олардың саны 56 азаматты құрап отыр.
