Біздің қоғам газет оқымайды, көбі ақпаратты әлеуметтік желіден біледі. Елордада өтіп жатқан қазақтілді онлайн контент жасаушылардың форумында осындай пікір айтылды, деп хабарлайды ҚазАқпарат тілшісі.
«Біздің қоғам газет оқымайды, көбі ақпараттарды әлеуметтік желіден біледі. Дәстүрлі БАҚ құралдарына тереңдік керек, сонда ғана бәсеке болады, себебі газет әр 10-15 минут сайын шықпайды», – дейді саясаттанушы Самат Нұртаза.
Ол «қоғамға вайнерлер, мессенджерлер керек емес» деген оймен келіспейтінін айтты.
«ХVII-XVIII ғасырда ханға шындықты домбырамен айтатын адамдар болғаны сияқты месенджерлер халыққа сілкініс беретін импульс ретінде қабылданады. Әлеуметтік желіде көбі дұрыс ақпарат айтайын деп емес, көп лайк жинайын деп жазады. Сарапшылардың айтуынша, әлемде жылына бір адам әлеуметтік желінің кесірінен өзіне қол салады. Әйгілі Стивен Кинг «Әлеуметтік желіде өз-өзімді алдағым келмейді, шынайы өмірге бет бұрғым келеді» деп Facebook парақшасын жауып тастаған. Блогерлерді, саясаттанушыларды ток-шоуларға шақырып тұру керек, себебі бұл жерде ойды еркін айту мүмкіндігі бар», – дейді ол.
-
-
-
-
-
-
