Бұдан былай жылжымайтын мүлік иелері елді мекендер мен көшелердің атаулары өзгерген жағдайда Халыққа қызмет көрсету орталықтарына барып, тіркеуді 3 күн күтпейтін болды, деп хабарлайды ҚазАқпарат тілшісі.
«Қазақстан Республикасының кейбір заңнамалық актілеріне мемлекеттік қызмет көрсету мәселелері бойынша өзгерістер мен толықтырулар енгізу туралы» заңның қабылдануы – осы ереженің күшін жойып отыр. Бұл мәліметтер жылжымайтын мүлік жүйесіне автоматты түрде түсіп, қандай да бір құжаттарды әкелуді қажет етпейді.
Бұрын тегі және басқа да деректері өзгерген жағдайда жылжымайтын мүлік иелері ХҚО-ға жүгінетін еді. Енді бұл рәсім алынып тасталып, барлық деректер АХАЖ жүйесінен келіп түседі», – деп хабарлады министрліктен.
Атап өтерлігі, бір жыл ішінде еліміз бойынша осындай өтінішпен 28 мыңға жуық азамат жүгінген.
