Біріккен Араб Әмірліктерінің полициясы коронавирус жұқтырған адамдарды анықтау үшін иттерді пайдалана бастады. Бұл туралы елдің Ішкі істер министрлігі twitter-дегі парақшасында жазды.
Полицейлер өткізген бірнеше сынақ кезінде иісшіл иттер корнавирус жұқтырған адамдарды дәл анықтаған.
«COVID-19 індетін анықтау оқиғалары (иттермен) 92 пайызды көрсетті»,- делінген ведомоство мәлімдемесінде.
Тест екі апта бойы бірнеше аурухана аумағында жүргізілген.
Әбден машықтанған иттер көшелердегі, сондай-ақ вокзал және әуежай секілді адамдар топтасқан орындарда патрульдеу кезінде індет жұқтырғандарды анықтай алады.
