Жыл басынан бері Алматыда самокаттардың қатысуымен 25 ЖКО тіркеліп, салдарынан 2 адам қаза тапты, – деп хабарлайды Polisia.kz.
Алматы жолдарында мопедтер мен самокаттардың 50 мыңнан астамы бар, соған сәйкес жол-көлік оқиғалары да көбейген.
Жыл басынан бері самокаттардың қатысуымен 25 ЖКО тіркеліп, 2 адам қаза тауып, 27 адам жарақат алды.
– Ішкі істер министрлігі қабылдаған шаралар самокаттардың жұмысына қатысты жағдайды біршама тұрақтандыруға мүмкіндік берді: жас шектеулері белгіленді, қорғаныс құралдарын міндетті түрде пайдалануға және жолаушыларды тасымалдауға талаптар қойылды. Алайда қайғылы оқиғалар жалғасып жатыр. Күні кеше ғана самокат айдауға туысы рұқсат берген 13 жасар бала қайтыс болды. Жас жігіт жаңадан келген және үлкен қаладағы көлік қозғалысына бейімделмеген. Салдарынан жасөспірім жүк көлігінің астында көз жұмды, – деді Алматы қалалық полиция департаментінің бастығы Арыстанғани Заппаров.
Полиция басшысы мопедтердің жұмысына байланысты сыни жағдайға да назар аударды. Жыл басынан бері мопедтердің қатысуымен 292 жол-көлік оқиғасы тіркеліп, нәтижесінде 14 адам қаза болса, былтыр екі адам қаза болған.
– Жоғарыда келтірілген статистика негізді алаңдаушылықты тудырады. Самокаттар мен мопедтерді пайдаланушылар – жол қозғалысына қатысушылардың осал санаттарының бірі. Егер көлікте қауіпсіздік белдігі немесе қауіпсіздік жастығы болса, онда екі доңғалақты көліктердің жүргізушілері мен жолаушылары қорғансыз. Сондықтан олардың қатысуымен болған әрбір апат қайғылы аяқталады. Жол қозғалысына қатысушыларды жол қозғалысы ережелерін қатаң сақтауға шақырамын. Ата-ана өз баласының қауіпсіздігі үшін толық жауапкершілікті сезінуі қажет: қылмысқа немқұрайлылық танытпаңыз, балаңызды қорғаңыз, өз үлгіңізбен заңға құрметпен қарауды үйретіңіз, – деді Арыстанғани Заппаров.
