БастыСаясат

«Ұлттық қор-балаларға» атты заң жобасы қарауға алынды

Ұлттық қордың қаржысы халық мүддесі үшін жұмыс істей бастайды. Президент кеңесшісі Ерлан Қарин Мәжіліс қарауына түскен «Ұлттық қор – балаларға» бағдарламасына қатысты осылай пікір білдірді, деп хабарлайды ҚазАқпарат.

«Бүгін Мәжіліс депутаттары Ұлттық қордан балаларға бөлінетін жәрдемақы мәселесі жөніндегі заң жобасын қарауға кірісті.

Аталған заң жобасы келесі жылдың 1 қаңтарынан бастап іске асатын Мемлекет басшысының «Ұлттық қор – балаларға» атты бағдарламасы бойынша әзірленіп жатыр.Бұл – Президент жүзеге асырып жатқан ауқымды реформалар бағдарламасының негізгі бастамаларының бірі.

Бұл заң жобасы жайлы Президент былтырғы жылдың 1 қыркүйек күні жариялаған Жолдауында айтқан болатын.

Мемлекет басшысының «Ұлттық қор – балаларға» жобасы жас қазақстандықтардың кәмелет жасқа толған кезінде өзінің баспана жағдайын жақсартуына немесе білім алуына мүмкіндік береді.

Осылайша, Президенттің әлеуметтік маңызды бастамасы заң тұрғысынан рәсімделіп, Ұлттық қордың қаржысы халықтың мүддесі үшін жұмыс істей бастайды», – деп жазды Е.Қарин.

Айта кетсек, бүгін Мәжіліс «Ұлттық қор – балаларға» құжатын қарауға алды.

«Қазақстан Республикасының кейбір заңнамалық актілеріне ҚР Ұлттық қорынан балаларға төлем жасау мәселелері бойынша өзгерістер мен толықтырулар енгізу туралы» заң жобасы Мемлекет басшысының «Ұлттық қор – балаларға» жобасын 2024 жылғы 1 қаңтардан бастап іске қосу мақсатында әзірленді. Ұлттық қордың жыл сайынғы инвестициялық табысының 50 пайызы балалардың арнаулы жинақтаушы шоттарында жинақталатын болады.

Басқа жаңалықтар

Back to top button