Сенаттың Экономикалық саясат, инновациялық даму және кәсіпкерлік комитетінің депутаттары Сағындық Лұқпанов, Шәкәрім Бұқтұғұтов және Әлібек Нәутиев жұмыс сапарымен Солтүстік Қазақстан облысында болды. Сенаторлар өңірдегі өнеркәсіптік кәсіпорындарда болып, жұмысшылармен кездесті, деп хабарлайды Сенаттың Баспасөз қызметі.
Шараның негізгі мақсаты – нақты жағдайды зерделеу, еліміздің өңдеу өнеркәсібінің өзекті мәселелері мен даму барысын анықтау болып отыр.
«Біз кәсіпорындардағы күрделі мәселелер туралы естіп-білуді және оны орталық деңгейде шешудің әрі қарайғы жолдарын анықтауды көздеп отырмыз. Өкінішке орай, өзекті мәселелер әлі де жетерлік. Олардың қатарында өңдеу өнеркәсібінің экстенсивтілігі мен шикізатқа бағдарлануы, өндіріске инновация мен технологияларды енгізудің нашарлығы, өндірісті оқшаулау деңгейінің төмендігі, мемлекеттік қолдау шараларына қол жеткізу мүмкіндігінің жоқтығы, шикізат пен білікті кадрлардың жетіспейтін және басқа да мәселелер бар», – деп атап өтті сенатор Шәкәрім Бұқтұғұтов.
Сенаторлар кездесу барысында көтерілген барлық мәселелер назарға алынғанын және «Өңдеу өнеркәсібін дамыту: нақты жай-күйі, проблемалары және даму перспективалары» тақырыбындағы дөңгелек үстелге дайындық барысында пысықталатын атап өтті.
-
-
-
-
-
-
