2023 жылдың 30 наурызы мен 03 сәуірі аралығында өрт сөндірушілер жалпы ауданы 3 гектардан асатын шөпті сөндіру үшін 11 рет шықты. ШҚО ТЖД Өрт қауіпті кезеңде бастапқы сатысында жануды бақылау үшін космомониторинг қолданылады. Тіркелген жылу нүктелерін жедел пысықталып, өрт сөндіру бөлімшелері өрттің таралуына жол бермеу бойынша барлық шаралар қабылданады. Бұл туралы ШҚО ТЖД баспасөз қызметі мәлімдеді.
ШҚО ТЖД Өрт қауіпті кезеңде мынадай ережелерді қатаң сақтау қажет екенін еске салады:
– шөпті өртеуге жол бермеңіз
– орманда от жағуға болмайды
– балаларға отпен және сіріңкемен ойнаудың қауіптілігі туралы түсіндіру
– жол жиектері бойымен жүріп келе жатып, сөндірілмеген темекі тұқылдарын автомобильдердің терезелерінен лақтыруға жол бермеу
Саяжай кооперативтерінің аумағында:
– желді ауа райында от жағуға болмайды
-жақын жерде алғашқы өрт сөндіру құралдары болуы керек: Су құйылған бөшке, өрт сөндіргіш.
ШҚО ТЖД-да үйлердің маңындағы саяжайлардың аумағын жинау кезінде от жағуға тыйым салынғанын атап өтті. Қоқысты қаптарға салып, арнайы бөлінген алаңдарға шығару қауіпсіз.
Өртеуге келесі ережелерді қатаң сақтаған жағдайда ғана рұқсат етіледі:
-ғимараттар мен құрылыстардан кемінде 50 метр қашықтықта, бақылаудағы арнайы темір ыдыста және желсіз ауа-райында, өрт сөндіру құралдары болған кезде
Рұқсат етілмеген жағу, от жағу және өрт қауіпсіздігі ережелері бұзылған құрғақ шөптің бақылаусыз жануы үшін әкімшілік жауапкершілік қарастырылған:
– ҚР «Әкімшілік құқық бұзушылық туралы» Кодексінің 336-бабы бойынша-қалдықтарды жинау немесе жағу кезінде атмосфералық ауаны қорғау және өрт қауіпсіздігі жөніндегі талаптарды сақтамау 20 АЕК мөлшерінде айыппұл салуға әкеп соғады.
-ҚР «Әкімшілік құқық бұзушылық туралы» Кодексінің 410-бабы бойынша-ӨҚК талаптарын бұзу немесе орындамау ескертуге немесе 5 АЕК мөлшерінде айыппұл салуға әкеп соғады.
– ҚР Қылмыстық Кодексінің 204-бабының 2-бөлігі бойынша отты немесе аса қауіпті өзге де көзді абайсызда пайдалану жолымен жасалған не ауыр зардаптарға әкеп соққан немесе аса ірі залал келтірген бөтеннің мүлкін абайсызда жою немесе бүлдіру-2000 АЕК-ке дейінгі мөлшерде айыппұл салуға не түзеу жұмыстарымен не 2 жылға дейінгі мерзімге бас бостандығын шектеу арқылы жазаланады.
Өрт анықталған жағдайда дереу «101» және «112»телефондары арқылы хабарлаңыз.
