Облыстық маңызы бар 760 км және аудандық маңызы бар 109 км жолдарға жөндеу және реконструкциялау жүргізіледі. Жұмыстар 68 нысанда, оның ішінде төрт көпірде жүргізіледі
Басымдықта – облыс орталығын және өңірдің ірі елді мекендерін «Батыс Еуропа-Батыс Қытай» автомобиль дәлізімен жалғайтын туристік бағыттағы жолдар.
Атап айтқанда, Түркістан-Шәуілдір жолының 35 шақырымы мен Кентау жағынан Түркістан қаласына кіре беріс жолдың 24 шақырымы қайта жөндеуден өтті. Сондай-ақ, Шорнақ, Майдантал, Жүйнек және Қарнақты мекендерін облыс орталығымен жалғайтын 100 км-ге жөндеу жұмыстары жүргізіледі.
Келесі жылдың басында Төлеби ауданының Қасқасу және Бірқұлық елді мекендеріндегі туристік нысандарға баратын 18 км жол толық жөнделіп, пайдалануға берілетін болады.
Түлкібас ауданында Келтемашат, Даубаба, Састөбе, Шұқырбұлақ және Майтөбе бағытында 69 км күрделі және орташа жөндеу жүргізілуде.
Қазығұрт ауданында Тұрбат және Қақпақ ауылдық округтерін «БЕ-БҚ»көлік дәлізімен жалғайтын 39 км орташа жөндеу жүргізілуде.
Бұдан басқа, Ордабасы ауданындағы «БЕ-БҚ» көлік дәліздерін Бадам, Шұбар, Қайнар, ұялы және Теспе елді мекендерімен байланыстыратын 53 км жолдың асфальт жабыны жаңартылуда.
Барлық жұмыстар бекітілген Өндірістік-жұмыс кестесіне сәйкес жүргізіледі. Жұмыс сапасы «жол активтері сапасының ұлттық орталығы» РМК мен Тапсырыс беруші – «Оңтүстік жолдар»МКК-ның тұрақты бақылауында.
Көрсетілген жұмыстардың нәтижесінде Түркістан облысында нормативтік жағдайдағы жергілікті маңызы бар автожолдардың үлесі 87-ден 92% – ға дейін өседі.
Анықтама: Түркістан облысындағы елді мекендердің автожолдары мен көшелерінің жалпы ұзындығы 17,5 мың км құрайды, оның ішінде 723 км – республикалық желі, 5783 км – жергілікті желі және 11 мыңға жуық км – елді мекендердің көшелері.
