Аягөз гарнизонындағы әуе шабуылына қарсы қорғаныс әскери бөлімінің сарбаздары өздері қызмет ететін өлкенің тарихымен танысты, деп хабарлайды Аягөз гарнизонының баспасөз қызметі.
Әскери бөлім басшылығының ұйымдастыруымен жауынгерлер Аягөз қаласындағы тарихи-өлкетану мұражайында болды.
Сарбаздар экскурсия барысында көне жәдігерлермен танысты. Олар мұражай коллекциясындағы палеонтологиялық, археологиялық бірегей экспонаттарды, тұрмыстық,-этнографиялық заттарды, зергерлік қол өнер бұйымдарын, сирек кездестін деректі құжаттар мен фотоматериалдарды көре алды.
– Бүгін біз әскери борышымызды өткеретін өңірдің тарихымен танысу үшін өлкетану мұражайына келіп, тарихтан сыр шертетін жәдігерлермен таныстық. Бұл жолғы саяхат маған да, менің қарулас достарыма да жақсы әсер қалдырды, – деді қатардағы жауынгер Шыңғыс Мұрат.
Әскери қызметшілер мағыналы экскурсия ұйымдастырғаны үшін мұражай ұжымына алғыстарын білдірді.
-
-
-
-
-
-
