Қазақстан Тәуелсіздігінің 30 жылдығы қарсаңында «Jas Otan» ЖҚ елордалық филиалы автошеру ұйымдастырды, деп хабарлайды қала әкімдігінің ресми сайты.
Автомобиль колоннасы «Қазақстан» спорт кешені жанындағы алаңнан басталды. Маршруттың соңғы нүктесі – ҚР Орталық Туы. Мерекелік кортеж 10 км қашықтықты жүріп өтті. Әр көлікке Қазақстан туы ілінді.
Акцияға еріктілер мен жастар ұйымдарының өкілдері белсенді қатысты.
Автошерудің негізгі мақсаты – Қазақстан халқының бірлігін көрсету, сондай-ақ жастардың бойында патриоттық сезімді тәрбиелеу.
