Бүгін Мәскеуде елордалық «Барыс» Құрлықтық хоккей лигасының (ҚХЛ) тұрақты чемпионаты аясында «Спартакқа» қарсы матч өткізеді, деп хабарлайды Prosports.kz.
Қазіргі уақытта «Барыс» 28 ойында 24 ғана ұпай жинап, Шығыс конференциясында 10-орында тұр. Мәскеу клубы 29 ойында 30 ұпаймен Батыста 8-орында тұр.
«Барыс» – «Спартак» матчының тікелей трансляциясы елорда уақытымен 22:30-да басталып, Qazsport телеарнасында көрсетіледі. Сондай-ақ, матчты «Матч-ТВ» телеарнасы тікелей эфирде көрсетеді.
