Белградта өтіп жатқан әлем чемпионатының жартылай финалындағы қазақстандық боксшылардың барлық қарсыластарының есімдері белгілі болды, деп хабарлайды Prosports.kz.
Өкінішке қарай, ширек финалға шыққан он боксшымыздың бесеуі жарыс жолынан шығып қалды. Бес былғары қолғап шебері финал жолдамасы үшін шаршы алаңда сынға түседі.
Қоса кетейік, Қазақстан мен Ресейден жарыста бес боксшы қалды. Өзбекстаннан екі боксшы ғана жартылай финалда бақ сынайды.
Қазақстандық боксшылардың 1/2 финалдағы қарсыластары:
Темиртас Жүсіпов (48 келі) – Евгениий Кармильчик (Беларусь),
Сәкен Бибосынов (51 келі) – Танарат Саенгфет (Таиланд),
Махмуд Сабырхан (54 келі) – Акаш Кумар (Индия),
Серік Теміржанов (57 келі) – Освель Кабалльеро Гарсия (Куба),
Абылайхан Жүсіпов (67 келі) – Севонрец Окадзава (Япония).
