Қазақстанда тағы үш әуежайдың кодын өзгерту жоспарланып отыр. Бұл туралы Индустрия және инфрақұрылымдық даму министрлігі Азаматтық авиация комитетінің төрағасы Талғат Ластаев мәлімдеді, – деп хабарлайды Tengrinews.kz тілшісі.
Нұр-Сұлтан әуежайындағы брифинг кезінде журналистер басқа әуежайлардың кодын өзгерту туралы сұрақ қойған.
«Иә, жұмыс жалғасып жатыр. Ақтау – SCO (Шевченко), Атырау – GUW (Гурьев), Тараз – DMB (Джамбул) әуежайларын өзгертуді жоспарлап отырмыз», – деді Ластаев.
Нұр-Сұлтан әуежайында NQZ әріптері орнатылды.