Қазақстандық пара дзюдошы Теміржан Дәулет Токио Паралимпиада ойындарында күміс медаль иеленді, деп хабарлайды Prosports.kz.
73 келіге дейінгі салмақта сынға түскен Дәулет финалда өзбекстандық Феруз Саидовпен кездескен. Саидов иппон ұпайымен жеңді.
Айта кетейік, бүгін Паралимпиадада қазақстандық Рауша Қойшыбаева пауерлифтингтен медальға таласады.
Ал әзірше Қазақстан қоржынында үш медаль бар. Дәулеттің күміс жүлдесінен бөлек, бұған дейін Давид Дегтярев (пауэрлифтинг) алтын, Әнуар Сариев (дзюдо) күміс медаль алған еді.
