Оралда қатардағы жауынгер өзіне қарудан оқ атып, көз жұмды.
ҚР Ұлттық ұланы «Батыс» өңірлік қолбасшылығының баспасөз қызметінің мәліметіне сүйенсек, оқиға 16 маусым күні шамамен таңғы сағат 05.30-да болды.
Ақтөбе қаласынан шақырылған 5517-әскери бөлімінің мерзімді қызмет әскери қызметшісі, қатардағы жауынгер Қ. қарауылда қызмет атқару кезінде бекітілген қарудан иегіне оқ атып, өзін-өзі жаралады.
БҚО денсаулық сақтау басқармасы баспасөз қызметінің нақтылауынша, 2000 жылғы әскери қызметші иек тұсынан оқ жарақатын алып, облыстық көпбейінді аурухананың жансақтау бөліміне түскен. Марқұм – Ақтөбе өңірінің тумасы.
Қазір оқиғаға қатысты тергеу амалдары жүргізіліп жатыр.
5517 әскери бөлімі командирінің орынбасары Жәнібек Сәрсеновтың айтуынша, ол өз-өзін жаралаған. Әскери қызметшіні аман алып қалу мүмкін болған жоқ. Қазіргі таңда әскери тергеу органдарымен тергеу жүргізілуде. Әзірге басқа ақпарат бере алмаймыз.