Алматыда ұялы телефон ұрлығы үш есеге азайды, – деп хабарлайды Polisia.kz.
Жыл басынан бері Алматы қаласында ұялы телефон ұрлығы үш есеге азайды.
– Сонымен қатар жыл басынан бері Алматы қаласында 52 адам ҚР ҚК-нің 196-бабы (Ұрланған заттарды сатып алу және сату) бойынша қылмыстық жауапкершілікке тартылды. 49 қылмыстық іс бойынша күдіктілер сотталды. Сондай-ақ жыл басынан бері қоғамдық орындарда, сауда орталықтарында, базарларда, қоймаларда, компьютерлік клубтарда және т.с.с., жеке мүлікті ұрлаумен айналысқан 35 қылмыстық топтың қылмыстық әрекеттері тоқтатылды. Бөтеннің мүлкін ұрлаудың 214 фактісі бойынша кінәсі дәлелденген 131 қалта ұрысы ұсталды, – деді Алматы қалалық ПД-нің бастығы Қанат Таймерденов.
