Екі кезеңде өткен байқауға 68 елден келген музыканттар қатысты, деп хабарлайды Pavlodarnews.kz.
Павлодарлық Темірлан Олжабай Ернат Наурызбен дуэтте Халықаралық Golden Time Talent фестивалінде бірінші орынды жеңіп алды.
– Түрлі санаттағы гранд-финал онлайн форматта өтті. Музыканттар Вивальдидің топтамасынан авторлық өңдеуде «Жыл мезгілдері» («Жаз») туындысын ойнады. Видеоны Ұлыбритания мен Қазақстан командасы түсірді, – деп хабарлады облыстық мәдениет, тілдерді дамыту және мұрағат ісі басқармасының бөлім басшысы Исатай Хикметов.
Байқау екі кезеңнен тұрды. Бірінші қазақстандық домбырашылар дуэті Құрманғазы мен Нұрғиса Тілендиевтің туындыларынан қазақ күйлерінен попурри ойнады.
Музыканттар әлеуметтік желілерде қуанышты жаңалықтарымен бөлісті.
– Сүйінші! Әлемдік Golden Time Talent байқауында бірінші орын алдық! Өзіміздің британдық және қазақстандық командаларға алғысымызды білдіреміз, – деп жазды павлодарлық Instagram-да. – Біз тек қазақ данышпандарының ғана емес, әлемге әйгілі композиторлардың да шығармаларын ойнадық.
Жас әртістер демеушілер мен продюсерлерсіз биік жетістіктерге жетуде. Темірлан мен Ернат – курстастар, Қазақ ұлттық өнер университетінде оқып жүрген кезден бірге жұмыс істей бастаған.
