Қазақстанда осы жылдың 3 айында 224 мыңнан астам көлік тіркелді. Бұл туралы ҚР Стратегиялық жоспарлау және реформалар агенттігінің ұлттық статистика бюросы хабарлады.
«2021 жылғы қаңтар-наурызда Қазақстан Республикасында 224 421 жеңіл автомобиль тіркелген. Бұл 2020 жылдың тиісті кезеңмен салыстырғанда 3,5 пайызға көп. Қазақстан Республикасында 2021 жылғы 1 сәуірдегі жағдай бойынша тіркелген жеңіл автомобильдердің саны 3 849,9 мың бірлікті құрады. 2021 жылғы қаңтар-наурызда 2 621 жол-көлік оқиғасы тіркеліп, 3 968 адам зардап шеккен», делінген хабарламада.
Айта кетейік, өткен жылғы дәл осындай кезеңмен салыстырғанда жол-көлік оқиғасы 4,3 пайызға кеміген.
