Полиция Риддердегі өртке қатысты күдіктіні ұстады. Бұл туралы Төтенше жағдайлар министрлігінің ресми өкілі Талғат Уәли мәлімдеді.
«Бұл мәселе ТЖМ құзырына кірмейді. Біздің білуімізше, Ішкі істер министрлігі бір адамды ұстаған. Алдын ала мәлімет бойынша далада от жаққан. Толық ақпаратты Ішкі істер министрлігінен біле аласыздар»– деді Талғат Уәли БАҚ өкілдеріне.
Еске салсақ, кеше Риддерде ауқымды өрт болып, салдарынан 73 жастағы әйел адам көз жұмды. Соңғы дерек бойынша 283 гектар аумақ отқа оранған.
