«Достар! Сіздер тарихтағы алғаш рет компьютерлік форматта өткізілетін Ұлттық бірыңғай тестілеуге тіркеліп жатырсыздар! Құттықтаймыз! Наурызда өтетін ҰБТ-ға тіркелу: 4 наурыздан бастап app.testcenter.kz сілтемесі арқылы жүргізіліп жатыр», дейді Смағұлов.
Тестілеу 10 наурыз бен 10 сәуір аралығында өткізіледі. Тестілеу құны: 2242 теңге. Наурыздағы ҰБТ сертификатымен жоғары оқу орындарына ақылы негізде түсуге болады.
«Еліміздегі карантиндік шектеулерге сәйкес, тестілеу тізіммен өткізіледі. Тіркелу барысында қай ҰБТ өткізу пункті жұмыс істейтіні көрсетіледі», делінген тестілеу орталығы хабарламасында.
