Бойжеткен 23 ақпанда кешке 11-ші шағын аудандағы үйінен шығып, таксиге отырған. Содан бері ешкіммен байланысқа шықпаған.
«Жағалауда оның жеке заттары табылды: сырт киімі, жемпір, бас киімі және ұялы телефоны»,- делінген әлеуметтік желілерде тараған жазбада.
25 ақпанда анасы полиция бөлімшесіне қызы жоғалып кеткенін хабарлады. Сол күні полицейлер оның денесін 4-ші «А» ықшамауданындағы «Жартасты соқпақтан» тапты. Денесінде зорлық-зомбылық белгілері болған жоқ.
«Факт бойынша ҚР ҚК-ның 105-бабы 1-бөлігі «Өзін-өзі өлтіруге дейін жеткізу» бойынша сотқа дейінгі тергеу басталды»,-деп хабарлады Маңғыстау облыстық полиция департаменті баспасөз қызметінің өкілдері.