16 қаңтарда қала көшелерін қардан тазартуға 891 техника бірлігі мен 1666 жол жұмысшысы жұмылдырылды, деп хабарлайды қала әкімдігінің ресми сайты. Ал өткен түні елорда көшелерін тазалауға 709 техника бірлігі мен 289 жол жұмысшысы жұмылдырылған болатын. Нәтижесінде, 10 603 текше метр қар шығарылды (884 рейс). Жалпы осы уақытқа дейін 1819551 текше метр қар қала сыртына төгілді (151629 рейс). Айта кетсек, биылғы қыста өткен жылдың сәйкес кезеңімен салыстырғанда 575 324 текше метр қар көбірек шығарылды, бұл 46,2%-ды құрайды.
