Алматыда ПИК-тен мүлік иелерін біріктіруге немесе көппәтерлі үйдің жай серіктестігіне көшу бойынша жұмыстар жүргізілуде. Өңірлік коммуникациялар қызметі алаңында өткен онлайн-брифинг барысында Алматы қаласы Тұрғын үй саясаты басқармасы басшысының орынбасары Мейіржан Отыншиев аталған тетіктің қалай енгізіліп жатқаны туралы айтып берді, деп хабарлайды Kaznovosti.kz
Естеріңізге сала кетейік, осы жылдың басынан бастап «Тұрғын үй қатынастары туралы» ҚР Заңына түзетулер күшіне енді. Қолданыстағы заңнамаға түзетулер 2020 жылғы 7 қаңтарда қолданысқа енгізілді, ал заңға тәуелді актілер ағымдағы жылғы наурыз-сәуірде бекітілді.
Алматы қаласында 870 мыңға жуық басқару органдары қызмет көрсететін ( ПИК, ПККК, ПК, ЖШС, IP және т.б.) 8,6 мың көппәтерлі тұрғын үйлердің бар екендігін ескере отырып, қолданыстағы заңнамаға енгізілген өзгерістер мен толықтыруларды жүзеге асыру үшін «Жол картасы» қабылданды, пәтерлер, тұрғын емес үй-жайлар иелері өткізетін жиналыстардың кестелері бекітілді.
Алайда, Қазақстан Республикасының аумағында ТЖ енгізілуіне, сондай-ақ қала аумағында жаппай шаралардың өткізілуіне тыйым салатын шектеу шараларының енгізілуіне байланысты жиналыстарды өткізу уақытша тоқтатылды.
«Карантиндік шектеу шараларын жеңілдетуді енгізу бойынша қала аудандарының әкімдері пәтер, тұрғын емес үй-жайлар иелерінің жиналыстарын өткізу кестесінің өзектілігін арттырды», — деді М. Отыншиев.
Бүгінгі күні мобильді топтар 4,2 мың КПТҮ қамтумен 1,5 мыңға жуық жиналыс өткізді, 90 МИБ тіркелді және басқарудың жаңа нысаны ретінде 168 қарапайым серіктестік таңдалды.
Тұрғын үй қорын жаңғыртуға қатысты Басқармада 2020-2025 жылдарға арналған «Нұрлы Жер» мемлекеттік тұрғын үй-коммуналдық даму бағдарламасын іске асыру кезінде 2011-2020 жылдар аралығында 1 305 үй жөндеумен қамтылғанын хабарлайды.
138 үйде 300 лифт ауыстырылды. Сондай-ақ, 62 үй бойынша күрделі жөндеуге шарттар жасалды, оның ішінде 20 үй бойынша жөндеу жұмыстары жүргізілуде, 42 үй бойынша жөндеу аяқталды.
