Ғылым және жоғары білім министрлігінің және Binance Academy-дың қолдауымен Қазақстан аумағындағы цифрлық активтердің жергілікті платформасы Binance «Криптомектеп» ауқымды онлайн білім беру жобасы іске қосылмақ. Бастама аясында миллиондаған қазақстандықтар блокчейн және цифрлық активтер туралы базалық білімді тегін ала алады, деп хабарлайды министрліктің баспасөз қызметі.
Binance Academy-де білім беру алаңына арналған оқу материалдары беріледі. Қолжетімді онлайн модульдер жиынтығы бар білім беру курсы жаңа пайдаланушыларға блокчейн мен цифрлық активтердің негіздері мен механизмдерін егжей-тегжейлі түсіндіруге арналған.
«Криптомектеп» жобасы білім алушыларды даярлаудың әртүрлі деңгейлеріне бағытталған бірнеше бөлімдерден тұрады. Жаңадан бастаушыларға арналған бірінші курс блокчейн экожүйесіне кіріспе шолуды қамтиды және криптовалюта кеңістігімен өзара әрекеттесудің негізгі тұжырымдамаларын ұсынады. Оқыту блокчейн технологиясының негіздері, криптовалюталар, орталықтандырылмаған қаржы (DeFi), Web3 және сауда және инвестициялық стратегиялар туралы модульдерден тұрады. Курс оқу бейнелері және білімді тексеруге арналған интерактивті тесттерді қамтитын бес оқу модулінен тұрады. Курсты аяқтағаннан кейін әрбір түлек блокчейн және цифрлық активтер негіздері бойынша кешенді базалық курстан сәтті өткенін куәландыратын NFT сертификатын ала алады.
«Криптобілімнің маңыздылығын, әсіресе блокчейн технологиясы экономикалық өсудің шешуші факторы бола алатын Қазақстанда асыра бағаламау мүмкін емес. Осындай бастамаларды қолдай отырып, біз халықты цифрлық активтер экожүйесінің жұмыс істеуін түсінуге дайындай отырып, инновациялық экономиканың болашағы үшін іргетас қалыптастырамыз», – деп түсіндірді Қазақстан Республикасының Ғылым және жоғары білім министрі Саясат Нұрбек.
«Білім беру – цифрлық активтерді жаппай енгізуді ілгерілетуге бағытталған стратегиямыздың негізгі құрамдас бөліктерінің бірі. Қазақстан блокчейн технологияларын қабылдау деңгейі бойынша көшбасшы орында және бұл бағытта біздің міндетіміз – пайдаланушыларға цифрлық активтер туралы барлық қажетті білімді беру, сондай-ақ ілеспе тәуекелдер туралы хабарлау. ҚР Ғылым және жоғары білім министрлігіне бұл бастаманы қолдағандары үшін алғысымызды білдіргіміз келеді», – деді Binance Қазақстан бас менеджері Жаслан Мәдиев.
Оқуға кірісу үшін Қазақстандағы Binance жергілікті платформасында тіркелу қажет. Сондай-ақ курстан өткеннен кейін iPhone 15 (256 Gb) және Airpods Pro 2 ұтыс ойынына қатысуға мүмкіндік беріледі.
