Салтанат Нүкенованың өліміне қатысты іс бойынша сот отырысында айыптаушы тарап өкілдері сотталушы Қуандық Бишімбаевтың адвокаттары тартқан ресейлік мамандардың қорытындыларын қабылдауға келмейтін дәлел деп тану туралы өтініш білдірді.
Бұл өтініш бойынша залда отырған сотталушының анасы Альмира Нұрлыбекова да өз ұстанымын білдірді.
«Мен қазір тыңдап отырмын. Мен, әрине, заңгер емеспін, бірақ егер сіз мәскеулік маманның тұжырымын қабылдамасаңыз, онда баламның конституциялық құқықтары, яғни, оның өзін қорғау және қорғау үшін өз дәлелдерін келтіру құқығы бұзылады деп ойлаймын. Сондықтан соттан, прокурорлардан, жәбірленушілерден мені ана ретінде түсінуді сұраймын», – деді сотталушының анасы.
