2020 жылдың қаңтар-шілде айлары аралығында дайындалған немесе басқа әдіспен консервіленген балық, уылдырық және оны алмастырушылардың өндірісі 15,6 мың тоннаға жеткен – бұл былтырғы жылмен салыстырғанда 3,1 есе көп. Бұл туралы energyprom.kz сайтына сілтеме жасап Kaznovosti.kz хабарлайды.
Балықтың үштен екі бөлігіне жуығы (64,2%) Атырау облысында шығарылады: 10 мың тонна, бұл өткен жылдың осындай кезеңімен салыстырғанда бірден 40,6 есе көп. Көшбасшылық еткен аймақтар «үштігіне» сондай-ақ Батыс Қазақстан облысы (2 мың тонна, плюс 11,7 пайыз) және Түркістан облысы (1,8 мың тонна, плюс 57,1 пайыз) кіріп отыр.
Балық, шаянтәрізділер және ұлуларды қайта өңдеу және консервілеу ақшаға шаққанда 13,6 млрд теңгені құраған.
Еске сала кетсек, Мемлекет басшысы балық саласының мұқият бақылауды талап етіп отырғанын атап өткен. 1 қарашаға дейін әкімдіктермен бірлесіп балық шаруашылығын дамыту бағдарламалары әзірленіп, аймақтық индикаторлар шығарылады.
Бірінші жартыжылдықтың қорытындылары бойынша, қазақстандық компаниялар қайта өңделген және консервіленген балық, шаянтәрізділер мен ұлуларға деген сұранысты 62,6 пайызға қамтамасыз етті (былтырғы көрсеткіш – 40 пайыз). Бұл кезеңде өндіріс өткен жылмен салыстырғанда үш еседей, 42 мың тоннаға дейін өскен. Импорт көлемі – 37,4 пайыз, ал экспорт көлемі – 16,8 пайыз болды.
-
-
-
-
-
-
