2026 жылғы 1 қаңтардан бастап Қазақстанда міндетті әлеуметтік медициналық сақтандыру (МӘМС) жүйесінде елеулі өзгерістер күшіне енеді. «№3 көпбейінді қалалық аурухананың« директоры Данбаева Жұлдыз Сейтқамзақызы пациенттерге не өзгеретіні және оның қалай әсер ететіні туралы айтып берді.
Қазақстандықтарды МӘМС шеңберінде қандай маңызды өзгерістер күтеді?
– 2026 жылдан бастап міндетті әлеуметтік медициналық сақтандыру (МӘМС) жүйесі әділ әрі қолжетімді болады. Ең алдымен, бұл халықтың қамтылуын кеңейтеді. Қазіргі уақытта шамамен 3,3 миллион адам жүйеден тыс қалған. Жаңа жылдан бастап мемлекет халықтың әлеуметтік осал топтары – әл-ауқатының дағдарыс деңгейіндегі және ресми жұмыссыз азаматтары үшін жарна төлей бастайды. Бұл тағы миллионға жуық адамды сақтандыруға қосуға мүмкіндік береді.
Уақытша жұмыссыз қалғандарға қалай қолдау көрсетіледі?
– Маңызды іс-шара қабылданды: егер сіз 5 жылдан аса уақыт жарнаны тұрақты төлеп келген болсаңыз, және бір кезде кіріссіз қалған болсаңыз, онда сіздің сақтандыру мәртебеңіз 3 ай емес 6 айға дейін сақталатын болады. Бұл әлеуметтік тұрақтылыққа үлкен бір қадам.
Жаңа базалық медициналық пакетке не кіреді?
– Бұл маңызды жақсару. Енді МӘМС-дың бар-жоғына қарамастан барлық азаматтар ерте диагностикадан, оның ішінде онкоскринингтен тегін өтіп, әлеуметтік маңызы бар күдіктенген 8 ауруға көмек ала алады. Пакетке сонымен қатар: амбулаторлық диализ, дәрі-дәрмек, 12 созылмалы ауруды стационарлық емдеу кіреді. Бұл дегеніміз, негізгі көмек бәріне қол жетімді болады.
Сақтандыру аударымдарында өзгерістер бар ма?
– Ия, бірақ тек мемлекет тарапынан. Мемлекеттік жарналар біртіндеп ұлғаяды-2027 жылғы 2,2% – дан 2037 жылға қарай 4,7% – ға дейін. Жұмысшылар мен жұмыс берушілер үшін ставкалар өзгеріссіз қалатынын, бұл бизнес пен азаматтар үшін қаржылық жүктемені тұрақты ұстайтынын атап өткен жөн.
Халыққа не айтасыз?
– Денсаулық- амандық, саулық негізі. МӘМС жүйесі дамуын жалғастыруда және бұл өзгерістер біздің еліміздегі әрбір адамның өзін қорғалған сезінуіне және уақытында сапалы медициналық көмек ала алуына бағытталған.
Біз, «№ 3 көпбейінді қалалық ауруханасы« ұжымы, бұл өзгерістерге дайынбыз және әрбір пациентті қамқорлықпен әрі кәсіби түрде қабылдауға әрқашан дайынбыз.
-
-
-
-
-
-
