Қазақстандық әуе компаниялар Дубай мен Доха қалаларына бірқатар рейсті уақытша тоқтатты

3 сағ ago

2025 жылғы 24 маусым күнгі жағдай бойынша Таяу Шығыстағы әскери-саяси ахуалдың күрт шиеленісуіне байланысты бірқатар елде ресми түрде шектеулер енгізіліп, азаматтық авиацияға арналған әуе кеңістіктері жабылды. Бұл туралы ҚР Көлік министрлігінің баспасөз қызметі хабарлайды

Мәжбүрлі шаралар қаруды қолдану қаупі, навигациялық жүйелердің дұрыс жұмыс істемеуі, әуе қорғанысы жүйелерінің белсенділігі және азаматтық әуе кемелерінің ұшуы үшін жоғары тәуекелдерге байланысты қабылданды.

Соңғы мәліметке сәйкес, шектеулер келесі елдерде қолданылады:

Израиль әуе кеңістігі толық жабық;
Иран әуе кеңістігі толық жабық, (оның ішінде Парсы және Оман шығанақтары);
Ирак, Иордания, Ливан зымыран мен дрон шабуыл қаупіне сәйкес ұшуларды уақытша шектеу енгізді;
Кувейт, Бахрейн, БАӘ-рейстерді шектеу және тоқтату, ішінара қақтығыс аймағына жақын маршруттарды бұғаттау.

«Ірі халықаралық авиатасымалдаушылар да рейстерді уақытша тоқтатты. Олардың қатарында Air France-KLM, United, American Airlines, Japan Airlines, Air Canada Дубай, Доха және Эр-Риядқа ұшуды тоқтатты. Qatar Airways ұшу кестесін реттейді. Etihad ресми ескерту жасады. Emirates қақтығыс аймағын айналып, ұшуды жалғастыруда», – делінген хабарламада.

Осыған байланысты қазақстандық әуе компаниялары қауіпсіздікті қамтамасыз ету мақсатында Дубай мен Доха қалаларына бірқатар рейсті уақытша тоқтатты.

№	авиакомпания	рейс	направление	количество пассажиров	направление	количество пассажиров
1	Air Astana	KC205/206	Дубай — Астана	127	Астана — Дубай	90
2	Air Astana	KC897/898	Дубай — Алматы	120	Алматы — Дубай	54
3	Air Astana	KC551/552	Доха — Шымкент	147	Шымкент — Доха	119
4	SCAT	DV5250/5251	Доха — Астана	199	Астана — Доха	161
5	SCAT	DV5245/5246	Доха — Алматы	174	Алматы — Доха	4
6	Qatar Airways	QR389/390	Доха — Алматы	142	Алматы — Доха	130
7	Qatar Airways	QR391/392	Доха — Алматы	142	Алматы — Доха	125
Итого				1051		683

Демек елімізден шетелге шықпақшы адам саны — 683 болса, шетелден елге оралатын адам саны — 1051 адам. Жалпы алғанда бұл жағдай 1 734 жолаушыға әсер етті.

«Қазақстандық авиакомпаниялардың Парсы шығанағы елдеріне ұшуға бағытталған рейстерді тоқтата тұруы аймақтағы әскери-саяси жағдайдың күрт шиеленісуіне негізделген мәжбүрлі шара.

Әуе компаниялары қабылдаған шешім халықаралық тәжірибеге сәйкес қабылданды. Басты мақсат — жолаушылар мен экипаж мүшелерірінің қауіпсіздігін қамтамасыз ету.

Қолданыстағы заңнамаға сәйкес жолаушылар ыстық тамақпен, қонақ үй және трансфермен қамтамасыз етілді. Тоқтатылған немесе кейінге шегерілген рейстер бойынша жолаушылар тегін қайта бронь қоя алады немесе әуе билеттерінің құнын толық қайтарып ала алады», – деп мәлімдейді министрлікте.

Көлік министрлігі авиакомпаниялармен бірлесіп жағдайды жіті бақылауда, қажет болған жағдайда жедел шешім қабылдап, кестені қайта қарау жұмысы жүргізіледі. Рейстер жақын арада қайта жүзеге асырала бастайды.