Өзіне-өзі диагноз қою және емдік процедураларды белгілеу ойламаған қиындықтарға әкелуі мүмкін. Денсаулық сақтау министрлігі Медициналық және фармацевтикалық бақылау комитетінің Нұр-Сұлтан қаласы бойынша департаментінің басшысы Нұрлыбек Асылбеков өзін-өзі емдеудің қауіпті екенін айтты, деп хабарлайды елорда әкімдігінің ресми сайты.
Спикер кез келген дәрілік заттың адам ағзасына екі түрде әсер етуі мүмкін екенін айтады: біріншіден, егер препарат дұрыс және қажетті дозада тағайындалса, ол пайдалы, екінші әдісі – негізсіз және дұрыс емес дозаларда қолданған жағдайда зиян келтіруі, тіпті өміріне қауіп төндіруі мүмкін.
«Өзін-өзі емдеу кезінде адам дәрі-дәрмектің дозасы мен жиілігін бейтаныс адамдардың кеңесіне сәйкес таңдайды. Антибиотиктердің дұрыс емес дозасы және қолдану жиілігі патогеннің осы препаратқа төзімділігін арттыруға көмектеседі. Кейіннен, егер бұл ем тиімсіз болып, қайтадан емделуге мәжбүр болса, бұл антибиотик, өкінішке қарай, ол адамның ағзасына әсер етпейтін болады», – деді департамент басшысы.
Эпидемиологиялық жағдай кезінде коронавирус инфекциясынан өз бетімен емделу мәселесі өзекті бола бастады.
«Үйде өз бетімен емделетін көптеген пациент антибиотиктердің әр түрін қолданады, бұл кері әсер етуі мүмкін. Антибиотиктер иммундық реакцияны қалыптастыратын қалыпты ішек микрофлорасының өсуін тоқтатады. Тиісінше, мұндай науқастың иммунитеті төмендей береді. Сонымен қатар, бактерияға қарсы препараттарды дәрігерлердің белгілеуінсіз қабылдау микроорганизмдердің бактерияға қарсы препараттарға төзімділігінің дамуына әкеледі», – деп түсіндірді маман.
Сондай-ақ, үйдегі пациенттер антикоагулянттардың инъекциялық түрлерін қолданады, бұл өте қауіпті және белгілі бір қауіп-қатерлерге әкеледі. Коронавирус – бұл тромбоздың дамуымен байланысты инфекция және көбіне антитромботикалық препараттарды тағайындау осы инфекциямен негізделген. Ведомство мұндай терапия қанның ұю жүйесінің қатаң зертханалық бақылауымен және дәрігердің қатаң бақылауымен жүргізілуі керек деп атап өтті.
Бұл препараттарды белгілі бір сақтық ережелерін сақтамай қолдану айтарлықтай кері әсерлердің дамуына әкеледі. Сондай-ақ дәрілік препараттардың, дәрумендердің әр түрлі кластарын қолданатын пациенттердің көпшілігі және бұл ретте осы препараттардың әсері ескерілмейтінін, бұл да пациенттердің денсаулығына теріс әсер етуі мүмкін екенін атап өткен жөн.
СOVID-19 диагнозы бар пациенттердің медициналық құжаттамасын зерделеу кезінде пациенттер медицина ұйымдарына жүгінбегені және 54%-ы ауыр халде стационарларға түскені анықталды. Көптеген пациент өз бетімен емделген, дәрігердің нұсқауынсыз дәрі-дәрмектерді қолданған, бұл ауру деңгейін күшейте түскен.
«Жоғарыда айтылғандар негізінде халыққа аурудың белгілері байқалған бойда өз бетімен емделмей, дәрігерге қаралған жөн. Өз бетімен емделу ауруды одан сайын күшейте түседі», – дейді Нұрлыбек Асылбеков.
-
-
-
-
-
-
