Семей қаласында көшені жарықтандыру жүйесін жаңғырту жобасы аясында 3 700-ден астам жарықдиодты шам орнатылды. Бұл орнатылуы тиіс жоспарланған шамдардың жартысы ғана, деп хабарлайды облыс әкімінің баспасөз қызметі.
Жаңа шамдарды «Горсвет» ЖШС мен «ОЭСК» АҚ-ның 5 бригадасы орнатты. Олар көшелерге байланысты шамамен күніне 120-140 дана шам орнатады.
Естеріңізге сала кетейік, жоба бойынша Семейде 136 көшеге 7 659 шам мен 687 тірек, 196 басқару шкафын орнату, ұзындығы 130 км болатын кабельді ауыстыру жоспарланған. Жабдықтардың бірінші партиясы ШҚО-ға 2020 жылдың соңында жеткізілген болатын.
Жобаның негізгі міндеті – ескірген шамдарды жарық жанатын жарықдиодты шамдарға ауыстыру және жарықты біркелкі етіп реттейтін көше шамдарын басқарудың зияткерлік жүйесін енгізу.
Көшені жарықтандыру жүйесін жаңғырту барысында электр энергиясын орта есеппен 60%-ға дейін үнемдеуге мүмкіндік беретін әлемдік жаңа технологиялар тартылды.
- Отандық автоөнеркәсіп қазақ тілінде «сөйлей» бастады
-
-
-
-
-
