Бір тәулікте 47 адам коронавирустан, 10 адам пневмониядан көз жұмды

ҚР Денсаулық сақтау министрлігі соңғы тәулікте коронавирустан қайтыс болғандар статистикасын жариялады.

Оған сәйкес 13 шілде күні Қазақстан аумағында 47 адам – коронавирустан, тағы 10 адам – пневмониядан көз жұмған.

Коронавирустан қайтқандардың ішінде ең көбі Нұр-Сұлтан қаласында тіркеліп отыр – 11 науқас.

Қарағанды облысында – 10, Қызылорда және Атырау облыстарында – 4 адамнан, Шымкент қаласында – 7, Батыс Қазақстан облысында – 5, Шығыс Қазақстан облысы мен Алматы қаласында – екі адамнан, Маңғыстау және Павлодар облыстарында – бір адамнан дүниеден өтті.