ШҚО Бородулиха ауданы Бородулиха ауылында «Нұрлы Жер» бағдарламасын жүзеге асыру аясында екі пәтерлі екі үйдің құрылысы басталды, деп хабарлайды облыс әкімінің баспасөз қызметі.
Құрылысты жеке мердігер «Фалько» ЖК салып жатыр. Қазіргі уақытта бригада қабырғалардың құрылысын аяқтады, үйлердің біреуінің шатыры да жабылды. «Нұрлы Жер» бағдарламасының талаптарына сәйкес, әр пәтердің ауданы 85 шаршы метр.
«Кең Дала ауданындағы үйлердің орналасқан жері жеке қосалқы шаруашылық жүргізуге қолайлы. Бұл өте маңызды, өйткені тұрғын үй аз қамтылған отбасыларға беріледі деп жоспарланған», – делінген хабарламада.
Сондай-ақ, биыл Бородулиха ауылында, соның ішінде Кең Дала учаскесінде су құбырының 3-ші кезеңі пайдалануға берілді. Яғни, жаңа тұрғын үйлер орталық ауыз су жүйесіне қосылады.
- Қазақстан тарихында алғаш рет вольфрам өндірісі іске қосылды
- Отандық автоөнеркәсіп қазақ тілінде «сөйлей» бастады
-
-
-
-
