Әлемге әйгілі Coursera платформасы қазақстандықтарды оқыту үшін 2020 жылғы 15 қыркүйектен 2021 жылғы 14 ақпанға дейінгі кезеңге квоталар бөлді. Жобаны іске асыру қорытындысы бойынша 15 мыңнан астам азамат әлемнің жетекші сарапшыларының, оқу ұйымдары мен университеттерінің, соның ішінде GOOGLE, IBM, Facebook, Stanford University, Yale University, Johns Hopkins University, Princeton University және т. б. 500-ге жуық курстарынан өтті.
Курстардың ішінде IT және компьютерлік ғылымдар, бизнес, тілдерді оқыту, гуманитарлық және әлеуметтік ғылымдар, жеке даму сияқты бағыттар сұранысқа ие болды. ТОП-5 курсқа «Teach English Now! Technology Enriched Teaching», «Programming for Everybody (Getting Started with Python)», «Business English: Basics», сонымен қатар «Жобалар мен өнімдермен жұмыс жасаудағы Agile мен Scrum» және «Python-ға ену» кірді.
Онлайн оқыту әсіресе жастар арасында танымал болды: білім алушылардың көбі «26-дан 30 жасқа дейін» және «21-ден 25 жасқа дейін» жас санатына жатады. Одан кейін «31-35 жас» және «20 жасқа дейінгі» топтар.
Жоба қатысушылары коммуникация, кәсіпкерлік, көшбасшылық және менеджмент, компьютерлік бағдарламалау, сондай-ақ бизнес-талдау дағдыларын игерді..
Қатысушылар мұндай мүмкіндіктер үшін алғыс білдірді.
-
-
-
-
-
-
