«27 қаңтарда зейнетақы қорына Отбасы банкінен жалпы сомасы 156,2 млрд теңгеге 9 566 өтінім түсті. Келіп түскен өтінімдердің барлығын БЖЗҚ күнбе-күн қарайды. Жалпы сомасы 38,6 млрд теңгеден асатын 6 988 (73%) өтінім өңдеуге қабылданды. Бұл сома өтінімдер келіп түскен күннен бастап 5 жұмыс күні ішінде Отбасы банкісіндегі салымшылардың арнайы шоттарына аударылады. Аударымның орташа сомасы 5,5 млн теңге», делінген хабарламада.
Заңнама талаптарына сәйкес келмейтін 2 578 өтінім (27%) қабылданбаған.
Қордың мәлімдеуінше, өтінімді қабылдамаудың негізгі себептері: өтініш берушінің алуға қолжетімді зейнетақы жинағы жоқ (қабылданбаған өтінімдердің 42%-ы), сұралып отырған сома зейнетақы жинағынан алуға болатын сомадан асып түседі (38,2%), бұрын берілген өтінім бойынша қайта берілген сұраныстар (19,4%), өтініш берушінің БЖЗҚ-да зейнетақы жинағы мүлде жоқ (0,4%).
«Қорға уәкілетті оператордан 25-27 қаңтарда келіп түскен өтінімдер үш жұмыс күнінің қорытындысы бойынша сол күні-ақ кідіріссіз қаралды. Кейіннен төлемдерді жүзеге асыру үшін жалпы сомасы 151 млрд теңгеге жуық 27 240 өтінім бойынша жұмыс жүргізіліп жатыр. Өтінімнің орташа сомасы шамамен 5,5 млн теңге», делінген хабарламада.
-
-
-
-
-
-
