2020 жылы Ақтөбе облысы аумағында алаяқтыққа қатысты 600-ден астам қылмыстық іс қозғалды, деп хабарлайды Kaznovosti.kz Polisia.kz сайтына сілтеме жасап.
Алаяқтық – бөтеннің мүлкін жымқыру немесе алдау немесе сенімге қиянат жасау жолымен аталған мүлікті иемдену.
Қазіргі уақытта бұл ең көп таралған қылмыстың түрі болып табылады. Технологияның дамуымен телефон және интернет-алаяқтық та кеңінен таралды.
Мәселен, 2020 жылы Ақтөбе облысы аумағында осы санаттағы 600-ден астам қылмыс қозғалды. Соңғы уақытта жоқ тауарларды сату сияқты алаяқтық тәсілдері де жиі кездеседі.
Мәселен, Ақтөбе облысы Полиция департаментінің қалалық полиция бөлімінде бір азаматшаның өтініші тіркелген, ол интернет-сайтта автобөлшектерді сату туралы хабарландыруды көрген. Тауарды сату шарттары туралы хат алмасу кезінде “сатушы” өзі көрсеткен есеп айырысу шотына салымды алдын-ала енгізу қажеттілігін көрсеткен. Өтініш беруші ақша аударғаннан кейін сатушымен байланыс үзілген.
Осыған байланысты, облыстық Полиция департаменті алаяқтардың құрбаны болмас үшін және істі құқық қорғау органдарына дейін жеткізбеу үшін азаматтардан сақтық шараларын сақтауын сұрайды:
– кішігірім сатып алулар немесе мәмілелер туралы болса да, қол қойылған кез-келген құжаттарды мұқият оқып шығыңыз.
– күтпеген шығындармен байланысты қандай да бір ұсынысты алған кезде барлық шарттар туралы міндетті түрде хабардар болу керек.
Тым үлкен жеңілдіктер немесе күтпеген ұтыстарға күмән келтіру керек, әсіресе егер сіз ешқандай ұтыс ойындары мен лотереяларға қатыспаған болсаңыз.
Жүлделер үшін алдын-ала төлем жасауға келісудің қажеті жоқ, өйткені көп жағдайда бұл алаяқтардың айла-амалдары;
– жеке ақпаратты қажетсіз жарияламау.
Күмәнді ресурстарға карта нөмірлерін, төлқұжат мәліметтерін және мекенжайларын енгізудің, құжаттарды мұқият тексерусіз көшірудің және жіберудің қажеті жоқ.
– картаны бұғаттау туралы хабарлама алған кезде қызмет көрсетуші банктің қолдау қызметіне хабарласып, осы ақпаратты тексеру қажет.
-
-
-
-
-
-
