Қазақстанда авторлық сыйақыны жинақтау және бөлу үшін бірыңғай цифрлық платформа әзірлеу ұсынылды
Үкімет отырысында Қазақстандық Репрографиялық құқықтар және бейнелеу өнері туындылары жөніндегі қоғамның басшысы Ринат Әбдіхалықов авторлық сыйақыны жинақтау және бөлу үшін бірыңғай цифрлық платформа әзірлеуді жақтап сөйледі.
Ол авторлардың авторлық сыйақы алу құқығын қамтамасыз ету өте маңызды екенін атап өтті. Авторлық сыйақы авторлар мен құқық иелеріне лайықты тану мен қаржылық қолдауды қамтамасыз ете отырып, шығармашылық индустрияны дамытуда шешуші рөл атқарады.
«Біз Әділет министрлігінің авторлық сыйақыны жинау және бөлу үшін бірыңғай цифрлық платформа құру жөніндегі бастамасын қолдаймыз. Авторлық құқық – бұл ең алдымен жеке құқық. Әрине, әр автор өз құқықтарын дербес жүзеге асырады. Ұжымдық басқарудың тиімді жүйесі авторлық сыйақы төлеуді қамтамасыз ету, авторлық құқықтың жаңа объектілерін құруға және тұтастай алғанда шығармашылық индустрияны дамытуға ынталандыру болып саналады», — деді Ринат Әбдіхалықов.
Спикердің айтуынша, құқықтарды ұжымдық басқару саласы авторлар, құқық иелері, пайдаланушылар және мүліктік құқықтарды ұжымдық негізде басқаратын ұйымдардың өзара іс-қимылын қамтамасыз ету үшін жаңа құралдарды қажет етеді.
