Дағдарысқа қарамастан әлеуметтік шығындар көлемі қысқармайды. Еңбек және халықты әлеуметтік қорғау министрі Біржан Нұрымбетов осылай деп мәлімдеді.
Айтуынша, биыл зейнетақы мен жәрдемақылардың көлемі екі рет өсті. Жыл басында инфляцияға байланысты 5 процентке және 1 сәуірден тағы 5 процентке көбейді. Сондықтан былтырға қарағанда қазір зейнетақы мен жәрдемақы 10 процентке көбейіп отыр. Сонымен қатар биыл 2020 жылы әлеуметтік төлем шығындары 20 процентке, ал мүгедектігі бар адамдарға жасалатын төлемдер 10 процентке артты.
