27 қыркүйекте «Барыс» хоккей клубы ҚХЛ-дың жаңа маусымындағы кезекті матчын өткізеді, деп жазады Prosports.kz.
Елордалық клуб өз алаңында Екатеринбургтің «Автомобилист» командасын қабылдайды.
«Барыс» өз алаңындағы ойындар сериясын сәтті аяқтауға тырысады. Осы кездесуден кейін Юрий Михайлис шәкірттері сырт алаңдағы ойындар сериясына аттанады.
Ал екатеринбургтік команда сырт алаңда төрт кездесу өткізіп, бәрінде жеңіске жетті. Олар бүгін де сол сәтті серияны жалғастыруға ниетті екені анық.
«Барыс» – «Автомобилист» матчының тікелей трансляциясы Нұр-Сұлтан уақытымен 19:20-да басталады. Ойынды Qazsport телеарнасынан көруге болады.
