Қытайда коронавирустың жаңа түрінен көз жұмғандардың саны 17 адамға жетті. Бұл туралы Хубэй провинциясының денсаулық сақтау комитетінің өкілдері айтты, – деп хабарлайды РИА Новости.
Басылымның мәліметінше, қазіргі уақытта вирус 25 провинцияға жетті. Ал ол вирусты жұқтырғандардың саны 473-ке жетті.
Еске салайық, мұның алдында коронавирустың жаңа түрінің АҚШ-қа және Жапонияға да жеткені хабарланған еді. Жапонияның Канага префектурасында тұратын қытайлық ер адам пневмонияның жаңа түріне шалдықты деп хабарланған еді.
Коронавирус – 30-дан аса вирустан тұратын, екі тұқымдастыққа бөлінген ауру түрі. Алғаш 1965 жылы анықталған. Ауруды көп жұқтыратын объектілер – адамдар, үй жануарлары, құстар, шошқалар және ірі қара мал. Коронавирус тыныс алу жүйесін, асқазан-ішек жолдарын, жүйке жүйесінің зақымдануына әсер етуі мүмкін.
