Шығыс Қазақстан облысында қамыс жанып, ірі өрт болды, деп хабарлайды «Хабар 24».
Тілсіз жау 7 мың гектар аумақты жайпап, күлге айналдырды. Жалынның көлемі үлкен болғаны соншалық, өртсөндірушілер тілсіз жаумен бір аптаға жуық арпалысты. Өрт сөндіру кезінде жел тұрып, батпақты бөліктерді өшіру мамандарға қиындық туғызған. Тіпті су ішінде тұрған қамыстар да жанып кетті. Жаппай күш жұмылдырудың арқасында өрт сөндірілді.
