Токиодағы жазғы Олимпиада ойындары аясында алғашқы жарыс басталды. Софтболдан Жапония әйелдер командасы Австралияны айқын басымдықпен жеңді деп жазады Olympic.kz.
Кездесу 8:1 есебімен аяқталды. Софтбол бәсекелері 21-27 шілде аралығында өтеді. Алты команда бір жүлде жиынтығын сарапқа салады. Ал ерлер бейсболда бақ сынайды.
Сондай-ақ, бүгін әйелдер командасы арасындағы футбол бәсекесі де басталады.
Токио Олимпиадасының ашылу салтанаты 23 шілдеге жоспарланған. Алайда, спорттық жарыстар ашылу салтанатынан бұрын басталып кетеді. Бұл, әсіресе, командалық ойын түрлеріне тікелей қатысты.
