Ирактың оңтүстігіндегі Эн-Насирия қаласында аурухана өртеніп, 50-ден астам адам көз жұмды. Тағы 20-дан астамы жарақат алды. Бұл туралы 24kz жазды.
Оқиға коронавируспен ауырған науқастарды емдейтін ауруханада болған. Алдын ала болжамға қарағанда өрт оттегі баллонының атылуынан шыққан.
Коронавирусқа шалдыққандар жатқан палатадан шыққан жалын бүкіл ғимаратқа лезде тарап, көп адам іштен сыртқа шыға алмай, қамалып қалды. Қазір өрт сөндіріліп, төтенше оқиғаның себебі анықталып жатыр.
